اسلام آباد: پی ٹی آئی کے ترجمان فواد چودھری نے کہا ہے کہ وزیر اعظم شہباز شریف نے میڈیا پر دہشت گردی کے معاملے پر آل پارٹیز کانفرنس میں شرکت کیلئے تحریک انصاف کو شمولیت کی دعوت دی۔
انہوں نے اپنے ٹویٹ میں کہا کہ ابھی تک اس ضمن میں تحریک انصاف کو کوئی دعوت نامہ نہیں ملا ۔ باقاعدہ دعوت نامہ ملا تو اس کانفرنس میں شرکت پر مشاورت کریں گے۔
شہباز شریف نے میڈیا پر دہشت گردی کے معاملے پر آل پارٹیز کانفرنس اور تحریک انصاف کو شمولیت کی دعوت دی، لیکن ابھی تک اس ضمن میں تحریک انصاف کو کوئ دعوت نامہ نہیں ملا،باقاعدہ دعوت نامہ ملا تو اس کانفرنس میں شرکت پر مشاورت کریں گے
— Ch Fawad Hussain (@fawadchaudhry) February 6, 2023
واضح رہے کہ پشاور دھماکے کے بعد وزیر اعظم شہباز شریف نے 7 فروری کو اے پی سی طلب کی تھی جس کی تاریخ اب 9 فروری کردی گئی ہے۔ اے پی سی میں شرکت کیلئے پی ٹی آئی کو بھی دعوت دی گئی تھی لیکن عمران خان نے شرکت سے انکار کیا تھا۔