انڈیا میں عورتوں کیساتھ ہونے والے واقعات سے عامر خان شرمندہ

ممبئی :  ’’دنگل‘‘ کی کامیابی پر خوش عامر خان اس وقت سخت رنجیدہ ہو گئے جب انہوں نے ’’سیتہ میو جیتے واٹر کپ‘‘ کے دوسرے ایڈیشن کے موقع پر میڈیا سے گفتگو کرتے ہوئے انہوں نے کہا کہ بنگلور میں جو کچھ ہوا وہ بہت افسوسناک ہے، ہم سب دکھی ہیں اور جب ہمارے ملک میں ایسا کچھ ہوتا ہے تو ہمیں شرمندگی محسوس ہوتی ہے اور ایسے واقعات پر میرا سر شرم سے جھک جاتا ہے ۔

عامر خان نے کہا کہ ہر ریاستی حکومت کو ایسے واقعات روکنے کے لئے سخت اقدامات کرنے چاہئیں۔ 51 سالہ اداکار نے کہا کہ وقت آ گیا ہے کہ قانون مضبوط بنایا جائے اور وہ تیزی سے کام کرے تاکہ ایک مثال قائم کی جا سکے۔انہوں نے کہا کہ آپ دیکھتے ہیں کہ امریکہ میں کوئی واقعہ ہوتا ہے تب دو تین ماہ میں مجرم شخص کو سزا دے دی جاتی ہے اور معاملے کو نمٹا دیا جاتا ہے، اگر ہمارے ہاں بھی ایسا ہی ہوا، مجھے لگتا ہے کہ یہ ایک بڑی تبدیلی ہو گی۔ اداکار عامر خان نے کہا کہ مجرم کو سزا دیا جانا ضروری ہے تاکہ ایک مضبوط پیغام دیا جا سکے۔

واضح رہے کہ کرناٹک کے دارالحکومت میں نئے سال کی خوشی کا جشن مناتے ہندوستانیوں نے 31 دسمبر کی رات کو شہر کے اہم علاقے میں بھاری بھیڑ پولیس کی موجودگی کے درمیان سینکڑوں خواتین کے ساتھ مبینہ طور پر جنسی تشدد کے واقعات ہوئے تھے ،جس پر پورے بھارت میں احتجاج جاری ہے ۔

مصنف کے بارے میں