برمنگھم: چیمپینز ٹرافی میں بھارت نے پاکستان کو شکست کیا دی کہ بھارتی کھلاڑی اسپورٹس سپرٹ کو بھی بھول گئے اور پاکستان کی قومی ٹیم کے خلاف شیکھر دھون نے زہر اگلنا شروع کر دیا۔ بھارتی کھلاڑیوں نے اپنی جیت کا جشن بھر پور طریقے سے منایا اور اپنے سوشل میڈیا اکاوئنٹس پر خوب پوسٹیں اپ ڈیٹ کیں۔
بھارتی اوپنر نے ڈنر کے دوران ساتھی کھلاڑیوں کے ہمراہ سیلفی لی اور انسٹاگرام پر اس پیغام کے ساتھ پوسٹ کر دی کی کہ "کول اسلحہ وی بڑا اے، تے دلیری وی بڑی اے، خون گرم اے پورا، ہالے شیری وی بڑی اے " جس کے ساتھ ایک نعرہ بھی شامل تھا۔
0b1186d000c69f52e90eb839bf3edf7eشیکھر دھون کے اس طرح کے جارحانہ رویے پر ماہرین کرکٹ نے بات کرتے ہوئے کہا کہ کرکٹرز کو صرف اپنے پروفیشن سے متعلق بات کرنی چاہیے اس سے ہٹ کر دوسرے ملک کے خلاف کوئی بھی بیان انتہائی غیر مناسب طرز عمل ہے۔
یاد رہے آئی سی سی چیمپیئنز ٹرافی کے چوتھے میچ میں روایتی حریف انڈیا نے پاکستان کو 124 رنز سے شکست دی تھی۔ میچ جیتنے کے لیے پاکستان کو 41 اووروں میں 289 رنز کا ہدف ملا۔ یہ ہدف بار بار بارش کے باعث کھیل کے متاثر ہونے کی وجہ سے دیا گیا تاہم پاکستان کی پوری ٹیم 164 رنز ہی بنا پائی۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
