'سی ڈی ڈبلیو پی نے ایم ایل ون منصوبے کی منظوری دے دی'

'سی ڈی ڈبلیو پی نے ایم ایل ون منصوبے کی منظوری دے دی'
ایم ایل ون منصوبے پر 7 ارب 20 کروڑ ڈالر لاگت آئے گی، معاون خصوصی۔۔۔۔۔۔۔۔۔۔۔۔۔۔فائل فوٹو

اسلام آباد: وزیراعظم عمران خان کے معاون خصوصی برائے اطلاعات لیفٹیننٹ جنرل (ر) عاصم سلیم باجوہ کا کہنا ہے کہ سینٹرل ڈویلپمنٹ ورکنگ پارٹی نے ایم ایل ون منصوبے کی منظوری دے دی ہے۔


عاصم سلیم باجوہ نے مزید کہا کہ ایم ایل ون منصوبہ حتمی منظوری کیلئے ایگزیکٹو کمیٹی آف دی نیشنل اکنامک کونسل (ایکنک) کو بھجوا دیا گیا ہے۔

معاون خصوصی اطلاعات نے بتایا کہ ایم ایل ون منصوبے پر 7 ارب 20 کروڑ ڈالر لاگت آئے گی۔ پشاور تا کراچی 1872 کلو میٹر ریلوے ٹریک اپ گریڈ ہوگا۔

عاصم سلیم باجوہ نے کہا کہ والٹن اکیڈمی کی اپ گریڈیشن اور حویلیاں میں ڈرائی پورٹ بھی تعمیر ہو گا جبکہ چائنا پاکستان اقتصادی راہداری (سی پیک) کے دوسرے مرحلے کا یہ اہم سنگ میل ہے۔