لاہور : اپوزیشن کی جماعتوں مسلم لیگ ق اور پی ٹی آئی کے دو رہنما ٹویٹر پر آمنے سامنے آگئے ہیں ۔ مونس الہٰی اور اعجاز چودھری نے ایک دوسرے کو شدید تنقید کا نشانہ بنایا۔
پی ٹی آئی کے سینیٹر اور سینئر رہنما اعجاز چودھری نے حمزہ شہباز اور ق لیگ کے رہنماؤں کی خبر شیئر کرتے ہوئے ق لیگ پر مرزا غالب کے شعر کا سہارا لیتے ہوئے تنقید کی۔
ہیں کوا کب کچھ نظر آتے ہیں کچھ
— Senator Ejaz Chaudhary (@EjazChaudhary) June 6, 2022
دیتے ہیں دھوکہ یہ بازی گر کُھلا#ThisIsNot90s @ImranKhanPTI @PTIofficial pic.twitter.com/4e7S9AamdB
اعجاز چودھری نے کہا کہ ہیں کواکب کچھ نظر آتے ہیں کچھ۔۔دیتے ہیں دھوکا یہ بازی گر کھلا ۔
اعجاز چودھری کی اس شاعرانہ تنقید کا جواب ق لیگ کے ایم این اے مونس الہیٰ نے دیا اور کہا کہ جیسے آزادی مارچ میں کچھ لیڈران نے تھانے میں جا کر گرفتاری دے دی تھی۔
جیسے آزادی مارچ میں کچھ لیڈران نے تھانے میں جا کر گرفتاری دے دی تھی https://t.co/qg02khemP4
— Moonis Elahi (@MoonisElahi6) June 6, 2022
واضح رہے کہ 25 مئی کو پی ٹی آئی کے لانگ مارچ کے دن اعجاز چودھری نے اسلام آباد جانے سے بچنے کے لیے خود گرفتاری دے دی تھی۔
