ممبئی: بالی ووڈ اداکار رنویر سنگھ بھی گزشتہ دنو ں وائرل ہونیوالی اداکاررنبیر کپور اور ماہرہ خان کی تصویر پر بول پڑے۔ انہوں نے کہا کہ ماہرہ خان ایک بہترین پرفارمر ہیں، تو کوئی بھی فوراً ان سے بات کرنے پر مجبور ہوسکتا ہے۔
تفصیلات کے مطابق فلم فیئر کو دیے اپنے انٹرویو میں رنویر سنگھ کا کہنا تھا کہ ایک اسٹار بننے کے بہت سے نقصانات میں سے ایک یہ بھی ہے۔انہوں نے کہا کہ ٰمیں صرف اپنے تجربے سے بات کرسکتا ہوں، کبھی میں بھی کسی ایسی جگہ ایسے لوگوں کے ساتھ ہوتا ہوں جب میں نہیں چاہتا کوئی اس وقت کی تصویر لے، لیکن آپ کچھ کر نہیں سکتے‘۔خیال رہے کہ ماہرہ خان اپنی تصاویر میں سفید رنگ کا لباس پہنے ہوئے تھیں جبکہ اس دوران وہ سگریٹ پیتے بھی نظر آئیں۔
اداکار کا مزید کہنا تھا کہ ہر کسی کی اپنی سوچ ہے، ہر کسی کے اپنے اصول ہیں، اور ہر کسی کی اپنی رائے ہے، آپ انہیں سن تو سکتے ہیں لیکن ویسا کرنا ضروری نہیں، آخر میں سب کو اپنی زندگی پر اور دوسرے ضروری مسائل پر فوکس کرنا چاہیے"۔
