ماڈل گرل ایان علی کے ناقال ضمانت وارنٹ گرفتاری جاری

ماڈل گرل ایان علی کے ناقال ضمانت وارنٹ گرفتاری جاری
فائل فوٹو

راولپنڈی: ماڈل گرل ایان علی کے کسٹم عدالت نے کرنسی سمگلنگ کیس میں ناقابل ضمانت وارنٹ گرفتاری جاری کردیے ہیں۔


میڈیا رپورٹس کے مطابق راولپنڈی کی کسٹم عدالت کے جج ارشد بھٹہ نے ماڈل ایان علی کے خلاف کرنسی سمگلنگ کیس کی سماعت کی، تاہم ہر بار کی طرح ماڈل ایان علی آج بھی عدالت میں پیش نہ ہوئیں۔

دوران سماعت کسٹم پراسیکیوٹر امین فیروز نے عدالت سے درخواست کی کہ ملزمہ ڈیڑھ سال سے غیر حاضر ہے اور 50 سماعتوں پر بھی پیش نہیں ہوئی۔

عدالت نے ملزمہ کے وکیل کی مقدمہ کی سماعت ملتوی کرنے کی استدعا مسترد کرتے ہوئے ایان علی کے ناقابل ضمانت وارنٹ گرفتاری جاری کردئیے۔ کسٹم عدالت نے حکم دیا کہ ملزمہ ایان علی کو گرفتار کرکے 22 اکتوبر کو پیش کیا جائے۔

خیال رہے کہ ماڈل ایان علی کو 14 مارچ 2015 کو اسلام آباد سے دبئی جاتے ہوئے بینظیر بھٹو ایئرپورٹ پر کرنسی سمگل کرنے کے الزام میں گرفتار کیا گیا تھا اور اس کے پاس سے 6 لاکھ امریکی ڈالر برآمد ہوئے تھے۔