شوبزمیں حاسدین کی تعداد بہت زیادہ ہے ،خوش قسمتی سے میں اس مرض میں مبتلا نہیں:ثنا جاوید

شوبزمیں حاسدین کی تعداد بہت زیادہ ہے ،خوش قسمتی سے میں اس مرض میں مبتلا نہیں:ثنا جاوید

لاہور:خوبرو اداکارہ ثناءجاویدنے کہا ہے کہ محنت اور لگن کے بل بوتے پر ہر روزکامیابی کی سیڑھی چڑھ رہی ہوں ،اپنے کام کے ذریعے الگ اور منفرد پہچان بنانامیرا مشن ہے اور اس جانب کامیابی سے پیشرفت جاری ہے ۔


ثناءجاوید نے کہا کہ کسی شعبے میں ایک ہی وقت میں ہزاروں لوگ کام کر رہے ہوتے ہیں لیکن کامیاب وہی ہوتے ہیں جو نیک نیتی سے محنت کی راہ پر چلتے ہیں اور ایک دن آتا ہے کہ وہ کامیابی کی منزل نہیں بلکہ منازل طے کرتے ہیں ۔

میں بھی انہی لوگوں کی فہرست میں شامل ہوں اور ہر روز کامیابی کی سیڑھی چڑھ رہی ہوں ۔ انہوں نے کہا کہ میں بہترین اداکاری کے ذریعے اپنی الگ اور منفردپہچان بنانا چاہتی ہوں اس کےلئے تعداد کی بجائے معیار کو ترجیح دیتی ہوں ۔

اپنے پراجیکٹ کے حوالے سے جوکمٹمنٹ کرتی ہو ں اسے ہر حال میں پورا کرتی ہوں ۔ ثناءجاوید نے کہا کہ ویسے شوبزکی دنیا میں حاسدین کی تعداد بہت زیادہ ہے لیکن میں اس مرض میں مبتلا ہوں اور نہ کسی کا برا سوچتی ہوں بلکہ ہر کسی کیلئے دعا گو اور ا ن کی بھلائی چاہتی ہوں۔