'آیئے شہیدوں کے گھر جائیں اور شہدا کے عظیم خاندانوں کو سلام پیش کریں'

 'آیئے شہیدوں کے گھر جائیں اور شہدا کے عظیم خاندانوں کو سلام پیش کریں'
کیپشن:    آئیں شہداء کی ملک کیلئے عظیم قربانیوں پر شکریہ ادا کریں، میجر جنرل آصف غفور۔۔۔۔فوٹو/ بشکریہ آئی ایس پی آر

راولپنڈی: میجر جنرل آصف غفور کا کہنا ہے کہ عظیم قومیں اپنے شہداء کو کبھی نہیں بھولتیں۔ یوم دفاع اور شہدا کے موقع پر شہیدوں کی ملک کیلئے عظیم قربانیوں پر شکریہ ادا کریں۔

پاک فوج کے شعبہ تعلقات عامہ کے ڈائریکٹر جنرل میجر جنرل آصف غفور کی جانب سے جاری بیان میں کہا گیا ہے کہ آج یوم دفاع اور شہداء ہے۔ انہوں نے قوم سے اپیل کی ہے کہ آیئے شہیدوں کے گھر جائیں اور شہدا کے عظیم خاندانوں کو سلام پیش کریں۔

ڈی جی آئی ایس پی آر کا کہنا ہے کہ آئیں شہداء کی ملک کیلئے عظیم قربانیوں پر شکریہ ادا کریں کیونکہ عظیم قومیں کبھی بھی اپنے شہداء کو نہیں بھولتیں اور ہم عظیم قوم ہیں۔

ادھر ملک بھر میں یوم دفاع و شہدا ملی جوش وجذبے سے منایا جا رہا ہے۔ لاہور میں مزار اقبال پر پاک فوج کے چاق وچوبند دستے نے سلامی پیش کی۔ میجر عزیز بھٹی شہید کی جائے شہادت اور میجر شبیر شریف شہید کے مزار پر پھولوں کی چادر چڑھائی گئی۔