تحریک انصاف میں شمولیت سے متعلق دوستوں سے مشاورت کر رہا ہوں، فاروق ستار

 تحریک انصاف میں شمولیت سے متعلق دوستوں سے مشاورت کر رہا ہوں، فاروق ستار

تمام امیدواروں کو عام انتخابات میں یکساں مواقع نہیں مل پاتے، فاروق ستار۔۔۔۔۔فائل فوٹو

اسلام آباد: الیکشن کمیشن کے باہر وزیراعظم عمران خان کیخلاف انتخابی اخراجات سے متعلق درخواست کی سماعت کے بات میڈیا سے بات کرتے ہوئے فاروق ستار نے کہا کہ میں گزشتہ 30 برسوں سے ایک جماعت اور ایک منشور سے جڑا رہا ہوں۔

انہوں نے کہا تحریک انصاف کے بعض ارکان نے مجھ سے پارٹی میں شمولیت کیلئے رابطہ کیا اور تحریک انصاف کی خواہش ہے کہ میں قومی اسمبلی میں عارف علوی کی خالی نشست سے الیکشن لڑوں، تحریک انصاف میں شمولیت سے متعلق قریبی دوستوں سے مشاورت کر رہا ہوں۔

 

فاروق ستار نے کہا کہ میں نے الیکشن کمیشن میں بڑی سیاسی جماعتوں کے بے لگام انتخابی اخراجات پر درخواست دی ہے۔ تمام امیدواروں کو عام انتخابات میں یکساں مواقع نہیں مل پاتے اور سیاسی جماعتیں کروڑوں روپے خرچ کر دیتی ہیں۔

 

ایم کیو ایم رہنما نے کہا کہ عام انتخابات میں پیپلز پارٹی اور مسلم لیگ (ن) 2،2 ارب جب کہ تحریک انصاف ایک ارب روپے خرچ کر دیتی ہے۔ ٹی وی پر اشتہارات دے کر انتخابی مہم چلائی جاتی ہے اور ان اخراجات کو پارٹی اثاثہ جات میں ظاہر کیا جانا چاہیے۔