زندگی کی داستان لکھی توکئی لوگوں کو منہ چھپانے کی جگہ نہیں ملے گی، روینہ ٹنڈن

ممبئی: بالی ووڈ کی مایہ ناز اداکارہ روینہ ٹنڈن نے سیاست سے اپنی عدم دلچسپی ظاہر کردی۔ اداکارہ ان دنوں اپنی آنے والی فلم’ماتر‘کے پروموشن میں مصروف ہیں۔

زندگی کی داستان لکھی توکئی لوگوں کو منہ چھپانے کی جگہ نہیں ملے گی، روینہ ٹنڈن

ممبئی: بالی ووڈ کی مایہ ناز اداکارہ روینہ ٹنڈن نے سیاست سے اپنی عدم دلچسپی ظاہر کردی۔ اداکارہ ان دنوں اپنی آنے والی فلم’ماتر‘کے پروموشن میں مصروف ہیں۔


بھارتی میڈیا کے مطابق بالی ووڈ اپنی بے باکی کے حوالے سے معروف اداکارہ سے جب پوچھا گیا کہ کیا وہ کبھی سیاست میں قدم رکھیں گی ؟ اس سوال کے جواب میں روینہ نے کہاکہ سیاست میں جانے کے لئے میں نے ابھی تک اپنا کوئی ذہن نہیں بنایا ہے۔

سیاست شاید میرے جیسے صاف گو لوگوں کے لئے نہیں ہے۔ روینہ نے کہا کہ سیاست ایک بہت ہی گندا کھیل ہے اور میں بہت صاف گو ہوں، مجھے سب کچھ صاف صاف کہنے کی عادت ہے۔ لہٰذا میرا سیاست میں آنا اور وہاں ٹکنا مشکل ہوگا۔

ایک اور سوال میں جن اداکارہ سے پوچھا گیا کے وہ دیگر فلم شخصیات کی طرح وہ بھی اپنی زندگی پر کتاب لکھیں گی تو انہوں نے یہ کہہ کر چونکا دیا کہ زندگی کی داستان لکھی توکئی لوگوں کو اپنا منھ چھپانے کے لیے کہیں جگہ نہیں ملے گی۔