لاہور : مقبوضہ کشمیر میں قابض بھارتی فوج نے اتوار کو فائرنگ کر کے 17 کشمیری نوجوانوں کو ہلاک کردیا تھا جس کے بعد مقبوضہ وادی میں احتجاج جاری ہے جبکہ مختلف حصوں میں کرفیو بھی نافذ کردیا گیا۔ اس بربریت پر دنیا بھر کے مسلمانوں نے بھرپور احتجاج کیا جس کے بعد قومی ٹیم کے سابق کپتان شاہد آفریدی بھی خاموش نہ رہ سکے اور انہوں نے اقوام متحدہ سمیت عالمی اداروں سے واقعے کا نوٹس لینے کا مطالبہ کیا۔
2bc61a56b849f08fa750c4c8a7b4945c
بس شاہد آفریدی کا یہ ٹویٹ بھارت میں ایٹم بم کی طرح پھٹا اور پورا بھارت ہی شاہد آفریدی اور پاکستان پر چڑھ دوڑا ۔ ایک کے بعد ایک بھارت کی معروف شخصیات کی جانب سے آفریدی کے بیان پر ردعمل سامنے آنے کا سلسلہ جاری ہے۔گوتم گمبھیر، سریش رائنا، ویرات کوہلی اور شیکھر دھون کے بعد بھارت کے معروف نغمہ نگار، شاعر اور سکرین رائٹر جاوید اختر کا بھی شاہد آفریدی کے بیان پر ردعمل سامنے آ گیا ہے لیکن انہوں نے پاک فوج پر ایسا الزام عائد کیا ہے کہ ہر پاکستانی غصے سے آگ بگولہ ہو گیا ہے۔
113b3922d19c04d9d0941d0dd403313b
جاوید اختر نے سماجی رابطوں کی ویب سائٹ ٹوئٹر پر جاری اپنے پیغام میں لکھا ”پیارے شاہد آفریدی، جیسا کہ آپ ایک پرامن جموں و کشمیر دیکھنا چاہتے ہیں جہاں انسانی حقوق کی خلاف ورزیاں نہ ہوں، تو برائے مہربانی کیا آپ اس معاملے کو دیکھیں گے کہ پاکستانی دہشت گردوں کی دخل اندازی ختم ہو اور پاک فوج ٹریننگ کیمپ ختم کر کے علیحدگی پسند عناصر کی حمایت بند کرے۔ ایسا کرنے سے مسئلے کے حل میں بہت زیادہ مدد ملے گی۔“
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
