لاہور: ڈپٹی اسپیکر قومی اسمبلی قاسم سوری کا ڈپٹی اسپیکر پنجاب اسمبلی دوست محمد خان مزاری کی جانب سے ٹوئٹر پر کی گئی تنقید پر ردِ عمل سامنے آگیا ہے۔
ساجی رابطے کی ویب سائٹ ٹوئٹر پر قاسم سوری نے ڈپٹی اسپیکر پنجاب اسمبلی دوست محمد مزاری کو جواب دیتے ہوئے کہا کہ’آپ قاسم خان سوری نہیں بن سکتے ، قاسم خان سوری بننے کیلئے خون میں وفا ، بہادری ، جذبہ ، دھرتی ماں سے محبت ، غلامی سے نفرت، ذہنی آزادی، زندہ ضمیر چاہیے ہوتاہے‘
آپ قاسم خان سوری بن بھی نہیں سکتے کیونکہ قاسم خان سوری بننے کے لیے خون میں وفا، بہادری، جذبہ، دھرتی ماں سے محبت، غلامی سے نفرت، ذہنی آزادی، زندہ ضمیر چاہیے ہوتاہے۔ آپ نے ووٹ اور ڈپٹی اسپیکر شپ عمران خان کےنام پر لی اور ضمیر فرنگیوں کے غلاموں کو بیچ دیا۔ آپ ضمیر فروش اور غلام ہیں۔ https://t.co/iNteulFDAa
— Qasim Khan Suri (@QasimKhanSuri) April 7, 2022
واضح رہے کہ اس سے پہلے دوست محمد مزاری نے اپنے ٹوئٹر پیغام میں قاسم سوری پر تنقید کی تھی اور کہا تھا کہ ’انہوں نے قاسم سوری بننے سے انکار کردیا ہے۔ آئین سے غداری کا مرتکب نہیں ہوسکتا۔عمران خان چاہے غداری کا لیبل لگادیں۔
