عامر خان کی اہلیہ جان لیوا بیماری میں مبتلا ہو گئی

عامر خان کی اہلیہ جان لیوا بیماری میں مبتلا ہو گئی

ممبئی:معروف بھارتی اداکار عامر خان اور ان کی اہلیہ کرن راوسوائن فلو کا شکار ہوگئے.بھارتی میڈیا کی رپورٹ کے مطابق عامر خان نے اس بات کی تصدیق کی ہے کہ انہیں اور ان کی اہلیہ کو H1N1 وائرس لاحق ہوگیا ہے جسے عام طور پر سوائن فلو کہا جاتا ہے۔ عامر خان کو ”ستیامے وجیتے واٹر کپ ایوارڈز“ میں شرکت کرنا تھی تاہم انہوں نے ویڈیو لنک کے ذریعے شرکاءکو یہ پیغام دیا کہ انہیں سوائن فلو ہوگیا ہے۔


ویڈیو میں عامر خان نے کہا کہ انہیں افسوس کے ساتھ اپنے مداحوں کو یہ بتانا پڑ رہا ہے کہ سال بھر سخت محنت کے بعد جب خوشی منانے کا وقت آیا تو اس بیماری کی وجہ سے جو کہ بہت تیزی سے پھیلتی ہے انہیں ایک ہفتے تک گھر کے اندر ہی رہنا پڑے گا۔ تقریب میں موجود فلمی ناقد انوپما چوپڑا نے بتایا کہ عامر خان کی اہلیہ کرن راؤکو بھی سوائن فلو ہوگیا ہے۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں