قومی اسمبلی کی کارروائی براہ راست نشر کرنے کے احکامات جاری

قومی اسمبلی کی کارروائی براہ راست نشر کرنے کے احکامات جاری

اسلام آباد: اسپیکر قومی اسمبلی سردار ایاز صادق نے ایوان کی کارروائی سرکاری ٹی وی چینل پر براہ راست نشر کرنے کے احکامات جاری کردیے ہیں۔ حکومت نے اسپیکر سے ایوان کی کارروائی سرکاری ٹی وی پر براہ راست نشر کرنے کی درخواست کی تھی، قومی اسمبلی کے اسپیکر سردار ایاز صادق نے درخواست پر عمل کرتے ہوئے ایوان کی کارروائی نشر کرنے کے احکامات جاری کیے ہیں۔


اب ایوان کی کارروائی سرکاری ٹی وی پر براہ راست نشر کی جائے گی۔واضح رہے کہ حکومت نے قومی اسمبلی کے اجلاس کی کارروائی براہ راست دکھانے کیلئے اسپیکر کو خط لکھاتھا کہ وزیر مملکت اطلاعات اجلاس کی کارروائی براہ ساست دکھانے کیلئے اسپیکر کی اجازت چاہتی ہیں جس پر سیکرٹری اطلاعات نے جواب دیتے ہوئے کہا تھا کہ سرکاری ٹی وی چینل اجلاس کی کارروائی دکھانے کے فوری انتظامات کرے گا۔

نیوویب ڈیسک< News Source