امریکی وزیر خارجہ نے اپنے بیان میں کہا ہے کہ امریکی صدارتی انتخابات میں روسی مداخلت نے دونوں ملکوں کے درمیان عدم اعتماد کی خطرناک صورت حال پیدا کر دی ہے َ
امریکی وزیر خارجہ ریکس ٹیلرسن نے پیر کے روز بتایا کہ انہوں نے اپنے روسی ہم منصب سرگئی لاﺅروف کو آگاہ کر دیا ہے کہ امریکی صدارتی انتخابات میں روسی مداخلت نے دونوں ملکوں کے درمیان عدم اعتماد کی خطرناک صورت حال پیدا کر رکھی ہے ۔
منیلا میں خطے کی سطح پر ایک سکیورٹی اجلاس میں لاﺅروف ے ملاقات کے بعد ٹیلرسن کا کہنا تھا کہ انہوں اپنے روسی ہم منصب کو متنبہ کر دیا ہے کہ واشنگٹن کرملن کی جانب سے روس میں امریکی سفارتی مشن کو کم کرنے کے فیصلے کے جواب پر غور کر رہا ہے۔
ٹیلرسن کا یہ بھی کہنا تھا کہ "ہم نے مداخلت کے واقعے کی دور رس خطرات کے اداراک کے لیے سرگئی لاﺅروف کی مدد کی کیوں کہ اس صورت حال سے نمٹنا ہم پر لازم ہے"۔ٹیلرسن کے مطابق انہوں نے بے دخلی سے متعلق سفارتی یادداشت کا جواز جاننے کے واسطے کئی وضاحتی سوالات پیش کیے تاہم انہوں نے روسیوں کو آگاہ کر دیا کہ امریکا کی جانب سے ستمبر میں اس کا جواب دیا جائے گا۔
واضح رہے کہ روس نے امریکی انٹیلی جنس ایجنسیوں کی جانب سے باور کرائی جانے والی ان معلومات کی سختی سے تردید کی تھی جن کے مطابق روس نے آخری صدارتی انتخابات میں پلڑا ڈونلڈ ٹرمپ کے حق میں کرنے کی کوشش کی تھی۔
