اسلام آباد:وزیراعظم عمران خان نے یاسر شاہ کو 82 سال پرانا ورلڈ ریکارڈ توڑنے پر مبارکباد دی ہے۔
تفصیلات کے مطابق وزیراعظم نے سماجی رابطے کی ویب سائٹ ٹوئٹر پر پیغام جاری کرتے ہوئے جادوگر سپنر کو مبارکباد دی اور کہا کہ صرف 33 ٹیسٹ میچوں میں 200 وکٹیں لینے پر یاسر شاہ کو مبارکباد پیش کرتا ہوں،یاسر شاہ نے آسٹریلوی باﺅلر کا 82 سال پرانا ریکارڈ توڑا۔
Congratulations to Yasir Shah who broke an 82 year old record held by an Australian & became the fastest bowler to reach the 200 test wickets' milestone in just 33 matches. Last week he had equalled my record of 14 wickets in a test match. Stellar performance.
— Imran Khan (@ImranKhanPTI) December 7, 2018
آسٹریلوی کھلاڑی کا بیاسی سالہ ریکارڈ توڑنے اور نہایت تیزی سے محض 33 میچوں میں 200 وکٹوں کا سنگ میل عبور کرنے پر میں یاسر شاہ کو مبارکباد پیش کرتا ہوں۔ گزشتہ ہفتے یاسر شاہ نے ایک ٹیسٹ میچ میں 14 وکٹیں لینے کا میرا ریکارڈ بھی برابر کیا۔ کیا ہی شاندار کارکردگی کا مظاہرہ ہے!
— Imran Khan (@ImranKhanPTI) December 7, 2018
عمران خان نے مزید کہا کہ گزشتہ ہفتے یاسر شاہ نے ایک میچ میں 14 وکٹیں لینے کا میرا ریکارڈ برابر کیا اور شاندار کارکردگی کا مظاہرہ کیا۔
خیال رہے کہ یاسر شاہ نے نے گزشتہ روز ابوظہبی میں جاری تیسرے اور فیصلہ کن ٹیسٹ میچ میں نیوزی لینڈ کے سمر ویل کو آﺅٹ کر کے ٹیسٹ کرکٹ میں تیز ترین وکٹوں کی ڈبل سنچری مکمل کرکے سابق آسٹریلوی سپنر کلیری گریمٹ کا ریکارڈ توڑا تھا جبکہ انہوں نے وقار یونس،ڈینس للی،وسیم اکرم و دیگر عظیم باﺅلروں کو بھی پیچھے چھوڑ دیا۔
