سونے کی قیمت ملکی تاریخ کی بلند ترین سطح پر پہنچ گئی

سونے کی قیمت ملکی تاریخ کی بلند ترین سطح پر پہنچ گئی

کراچی: پاکستان میں سونے کی قیمت ملکی تاریخ کی بلند ترین سطح پر پہنچ گئی ہے۔


آل پاکستان صرافہ بازار ایسوسی ایشن کے مطابق مارکیٹ میں سونے کی فی تولہ قیمت ایک لاکھ 5 ہزار900 روپے ہو گئی ہے جبکہ 10 گرام سونےکی قیمت 90 ہزار792 روپے تک پہنچ چکی ہے۔دوسری جانب پاکستان اسٹاک مارکیٹ میں کاروبار کے دوران 170 پوائنٹس کا اضافہ ریکارڈ کیا گیا۔کاروباری ہفتے کے دوسرے روز منگل کو اسٹاک مارکیٹ کا آغاز مثبت زون میں ہوا۔ کے ایس ای 100 انڈیکس میں کاروبار کا آغاز 35 ہزار 202 پوائنٹس پر ہوا۔

ابتدائی ایک گھنٹے کے دوران ہی انڈیکس میں 260 پوائنٹس کا اضافہ ریکارڈ کیا گیا اور انڈیکس 35 ہزار 462 پوائنٹس کی سطح پر پہنچ گیا تھا۔بعدازاں کاروبار کے اختتام پر  انڈیکس میں 170 پوائنٹس کا اضافہ ریکارڈ کیا گیا  اور انڈیکس 35,373.35 کی سطح پر بند ہوا، آج کاروبار کے دوران کے ایس ای 100 انڈیکس میں 241,068,050 شیئرز کی لین دین ہوئی جس کی مالیت پاکستانی روپوں میں 9,841,209,718 بنتی ہے۔