اسلام آباد:پٹرولیم مصنوعات کی قیمتوں میں اضافہ سے متعلق تمام قیاس آرائیاں دم توڑ گئیں ،وزیر خزانہ مفتا ح اسماعیل نے پٹرولیم مصنوعات کی قیمتوں میں اضافہ سے متعلق چلنے والی خبروں کی تردید کرتے ہوئے کہا کہ آج پٹرولیم مصنوعات کی قیمتوں میں کوئی اضافہ نہیں کیا جا رہا ۔
وزیرخزانہ مفتاح اسماعیل نے کہاکہ پیٹرولیم مصنوعات کی قیمتوں میں آج کوئی اضافہ نہیں کیاجارہا، پری بجٹ بزنس کانفرنس میں پیٹرولیم مصنوعات قیمتوں میں اضافہ سے متعلق کوئی بات نہیں کی، فی الحال پیٹرولیم مصنوعات کی قیمتیں بڑھانے کی سمری یا منصوبہ نہیں ہے۔
fbea10573a8775e7c03b256ae189e598
واضح رہے اس سے قبل یہ خبریں سوشل میڈیا پر زیر گردش تھیں جس میں کہا جا رہا تھا کہ پٹرولیم مصنوعات کی قیمتوں میں تھوڑا تھوڑا اضافہ کیا جائیگا ۔
