سعودی عرب کے مختلف شہروں میں جعلی زمزم کی فروخت عروج پر پہنچ گئی

سعودی عرب کے مختلف شہروں میں جعلی زمزم کی فروخت عروج پر پہنچ گئی
فوٹؤ بشکریہ ۔۔ ماء زمزم ویڈیو سکرین گریب ۔۔

جدہ : سعودی عرب میں رمضان المبارک کا مہینہ شروع ہوتے ہی زمزم کی طلب میں اضافہ ہوجاتاہے ۔جس کے باعث بعض سعودی  شہری عام پانی کو زمزم بتا کر بیچنے میں مصروف ہوجاتے ہیں ۔


تفصیلات کے مطابق سعودی ذرائع کا کہناہے کہ کچھ لوگ آسانی اور سہولت کی خاطر زمزم خریدنے کے لیے پلانٹ جانے کے بجائے سڑک  پر بیچنے والوں سے خرید لیتے ہیں ۔ سڑک پر فروخت ہونےوالے زمزم میں دوسرے پانی کی ملاوٹ کی جاتی ہے ۔ جعل ساز ی کرنیوالے اس زمزم کو بوتلوں میں ڈال کر فروخت کر رہے ہیں ۔/

سعودی عرب کے مشرقی علاقوں میں یہ کام بڑے پیمانے پر کیا جارہاہے ۔تاہم حکومتی ٹیموں کی بروقت کارروائی سے متعدد افراد کو گرفتار کر لیا گیا ہے ۔

غذا اور دوا بورڈ نے ٹویٹر پر اپنے اکائونٹ میں کہا ہے کہ ان کی تفتیشی ٹیموں نے گزشتہ دنوں مشرقی ریجن میں نقلی زمزم فروخت کرنے والوں کو گرفتار کیا ہے۔

اس کے علاوہ مکہ اور مدینہ منورہ کے دور دراز علاقوں میں بھی یہ جعلی زمزم کا کاروبار بڑھ رہاہے ۔حالنکہ سعودی حکومت کی طرف سے زمزم پلانٹ انتظامیہ نے مکہ  مکرمہ ، مدینہ منورہ اور جدہ میں زمزم سپلائی کرنے کے ادارے قائم کر رکھے ہیں تاکہ شہریوں کو خالص زمزم مل سکے ۔