بھارتی حکام نے امریکی سینیٹرکو مقبوضہ کشمیر جانے سے روک دیا

بھارتی حکام نے امریکی سینیٹرکو مقبوضہ کشمیر جانے سے روک دیا
Image Source: File Photo

نئی دہلی: بھارتی حکام نے امریکی سینیٹر اور ایک معروف سرگرم کارکن کو مقبوضہ کشمیر میں جانے کی اجازت نہیں دی ۔


تفصیلات کے مطابق ، امریکی ڈیموکریٹک سینیٹر کرس فان ہولن نے اس صورتحال سے میڈیا کو آگاہ کرتے ہوئے کہا کہ ان کی مقبوضہ کشمیر کا دورہ کرنے کی درخواست کو مودی حکومت نے مسترد کر دیا ہے۔ امریکا بہت سنجیدگی سے کشمیر میں انسانی صورتحال کا جائزہ لے رہا ہے۔ ادھر معروف سماجی کارکن سندیپ پانڈے کو سری نگر پہنچنے پر ایئرپورٹ سے ہی باہر نہیں نکلنے دیا گیا۔

خیال رہے کہ مقبوضہ کشمیر کی 80 لاکھ سے زائد آبادی گزشتہ دو ماہ سے محصور ہے۔ پانچ اگست کے بعد سے موبائل فون سروس، انٹرنیٹ اور دیگر مواصلاتی رابطوں پر پابندی ہے اور لینڈ لائن فون بھی مکمل طور پر بحال نہیں ہے۔