'اب بھارت خلائی مشن کی ناکامی کا ملبہ آئی ایس آئی یا معصوم کشمیریوں پر ڈالے گا'

'اب بھارت خلائی مشن کی ناکامی کا ملبہ آئی ایس آئی یا معصوم کشمیریوں پر ڈالے گا'
چاند کو چھوڑیں ہندوتوا کہیں بھی نہیں لے کر جا سکتی، ترجمان پاک فوج۔۔۔۔۔۔فوٹو/ آئی ایس پی آر

راولپنڈی: ترجمان پاک فوج نے بھارتی خلائی مشن چندریان کی ناکامی پر کہا ہے کہ اب بھارت خلائی مشن کی ناکامی کا ملبہ پھر سے آئی ایس آئی یا معصوم کشمیریوں پر ڈالے گا۔


پاک فوج کے ترجمان میجرجنرل آصف غفورنے بھارتی خلائی مشن چندریان کی ناکامی پر ٹویٹ میں آئی ایس آر او (انڈین اسپیس ریسرچ آرگنائزیشن) کو تنقیدی شاباشی دیتے ہوئے کہا کہ چندریان کی ناکامی کا الزام اب بھارت کس کو دے گا۔ کیا ناکامی کی وجہ مقبوضہ کشمیرکے معصوم عوام ہیں۔

پاک فوج کے ترجمان نے کہا کہ کیا چندریان مشن کی ناکامی کے پیچھے مسلمانوں یا کسی اوراقلیت کا ہاتھ ہے یا بھارتی سیٹلائٹ کی درست سمت میں لینڈنگ نہ کرنے کی ذمہ دار آئی ایس آئی ہے۔ چاند کو چھوڑیں ہندوتوا کہیں بھی نہیں لے کر جا سکتی۔ کیا ہندوتوا کے خلاف بلند آوازوں نے مشن چندریان کو چکنا چور کر دیا۔

واضح رہے کہ چاند کے مخالف حصے کی طرف بھیجے گئے مشن ’’چندریان 2‘‘ کا زمینی اسٹیشن سے رابطہ منقطہ ہو گیا تھا۔ خیال کیا جا رہا ہے کہ یہ مشن ناکام ہوچکا ہے۔ اس مشن پر 978 کروڑ بھارتی روپے لاگت آئی جو 2130 پاکستانی روپیوں کے برابر بنتی ہے۔ بھارت کا پہلا مشن ‘چندریان ون’ سنہ 2008 میں چاند کی سطح پر اترنے میں ناکام رہا تھا۔