کہتے ہیں ایف 16 گرانے کا ثبوت ہے، سامنے نہیں لاتے: ترجمان پاک فوج

کہتے ہیں ایف 16 گرانے کا ثبوت ہے، سامنے نہیں لاتے: ترجمان پاک فوج
image by ISPR

راولپنڈی : پاک فوج کے ترجمان میجر جنرل آصف غفور نے کہا ہے کہ سچ یہ ہے کہ پاکستان ائیر فورس نے دو انڈین جہاز گرائے جن کا ملبہ زمین پر گرتے سب نے دیکھا۔


ڈی جی آئی ایس پی آر میجر جنرل آصف غفور نے بھارتی حکام کی پریس کانفرنس پر ردعمل دیتے ہوئے کہا ہے کہ بار بار بولنے سے جھوٹ سچ نہیں بن جاتا۔ کہتے ہیں کہ ایف سولہ گرانے کا ثبوت ہے لیکن سامنے نہیں لاتے۔

میجر جنرل آصف غفور نے سماجی رابطوں کی ویب سائٹ ٹویٹر پر انڈین حکام کو جواب دیتے ہوئے کہا کہ بھارت کو ہونے والے نقصانات پر ڈھول پیٹنے کے بجائے پاکستان کی خاموشی کو نظر انداز نہ کریں، پاکستان نے سچ پر بھی ڈھول نہیں بجائے۔

ان کا کہنا تھا کہ سچ یہ ہے کہ پاکستان ائیر فورس نے دو انڈین جہاز گرائے، جن کا سب نے ملبہ زمین پر دیکھا۔