عمر اکمل کی تو دنیا ہی بدل گئی، مکی آرتھر بھی دیکھ کر حیران رہ جائیں گے

لاہور:پاکستانی کرکٹر عمر اکمل کو پانچ مواقع دئیے گئے مگر وہ ہر مرتبہ فٹنس ثابت کرنے میں ناکام ہو گئے۔ مکی آرتھر کے اس بیان نے پاکستانیوں کو حیرانی میں مبتلا کر دیا تھا لیکن اب عمر اکمل نے ایسی ویڈیو اپ لوڈ کر دی ہے کہ دیکھنے والوں کی آنکھیں واقعی کھلی کی کھلی رہ گئی ہیں۔

یہ تو سب ہی جانتے ہیں کہ عمر اکمل نے کہا تھا کہ وہ طبیعت کی خرابی کے باعث انگلینڈ جا رہے ہیں اور وہاں جا کر انہوں نے ایک مہنگی گاڑی بینٹلے کے ساتھ اپنی تصویر بھی اپ لوڈ کی تھی جس کے باعث لوگوں نے انگلیاں اٹھانا شروع کر دیں۔

یہ بھلا کون سی بیماری ہوئی؟ لیکن اب وہ واپس پاکستان آ گئے ہیں اور آتے ہی ایک ایسی ویڈیو اپ لوڈ کی ہے جس میں وہ پہچاننے میں بھی نہیں آ رہے اور اس قدر دبلے پتلے نظر آ رہے ہیں کہ کسی کو بھی اپنی آنکھوں پر یقین نہیں آ رہا اور اب لوگوں کا خیال ہے کہ عمر اکمل فٹنس کی بحالی کیلئے انگلینڈ گئے تھے اور اس کیلئے انہوں نے کیا نسخہ استعمال کیا ہے، اس بارے تو و ہی جانتے ہیں لیکن اس کا نتیجہ انتہائی حیران کن ہے۔

عمر اکمل نے ویڈیواپ لوڈ کرتے ہوئے لکھا مکمل صحت یابی کے بعد پاکستان آ گیا ہوں۔ میں نے نیٹ پریکٹس شروع کر دی ہے۔ انشااللہ آپ جلد ہی مجھے ان ایکشن دیکھیں گے۔

38c076c1e4e87ba0e04adbaa53e8eac2