ٹنڈولکر کی بیٹی کو اغوا کی دھمکی دینے والا ملزم گرفتار

ٹنڈولکر کی بیٹی کو اغوا کی دھمکی دینے والا ملزم گرفتار

ممبئی: مایہ ناز سابق بھارتی کرکٹر سچن ٹنڈولکر کی بیٹی کو اغوا کی دھمکی دینے والے ملزم کو گرفتار کر لیا گیا۔ بھارتی میڈیا رپورٹس کے مطابق ایک شخص گزشتہ کئی روز سے سچن ٹنڈولکر کی ممبئی کی رہائش گاہ پر فون کال کر کے ان کی صاحبزادی سارہ سے بدتمیزی کرتا اور انہیں اغوا کرنے کی دھمکی بھی دیتا تھا۔


معاملے کا ممبئی پولیس کمشنر کو علم ہونے پر پولیس کی جانب سے کارروائی کی گئی جس کے بعد دیب کمار میتی نامی شخص کو مغربی بنگال سے گرفتار کر لیا گیا۔

پولیس کے مطابق ملزم نے سارہ کو تقریباً 20 مرتبہ کال کی اور اغوا کی دھمکی بھی دی جسے گرفتار کر لیا گیا ہے اور اسے مزید تحقیقات کے لئے ممبئی بھیجا جائے گا۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں