وزیراعظم عمران خان کی بھارتی ٹیم کو آسٹریلیا کیخلاف ٹیسٹ سیریز جیتنے پر مبارکباد

وزیراعظم عمران خان کی بھارتی ٹیم کو آسٹریلیا کیخلاف ٹیسٹ سیریز جیتنے پر مبارکباد
تصویر بشکریہ ٹوئٹر

اسلام آباد:وزیراعظم عمران خان نے بھارتی کرکٹ ٹیم کو آسٹریلیا کیخلاف اسی کے دیس میں 71 سال بعد ٹیسٹ سیریز جیتنے پر بی سی بی کو مبارکباد دی ہے۔


تفصیلات کے مطابق وزیراعظم عمران خان نے بھارتی ٹیم اور کوہلی کو آسٹریلیا میں ٹیسٹ سیریز جیتنے پر مبارکباد دی اور کہا کہ بھارت آسٹریلیا میں ٹیسٹ سیریز جیتنے والی پہلی ایشیائی ٹیم ہے۔خیال رہے کہ بھارت نے آسٹریلیا کو اسی کے ملک میں 71 سال بعد ٹیسٹ سیریز میں 2-1 سے شکست دی ۔

شدید بارش کے باعث میچ کا پانچوایں اور آخری روز کھیل ممکن نہ ہوسکا اور میچ ڈرا ہوگیا۔ اس سے قبل بھارت نے 1947-48 میں آسٹریلیا کو اس کی سرزمین پر کسی ٹیسٹ سیریز میں شکست دی تھی۔ یہ سیریز پانچ میچوں کی تھی جس میں بھارت نے آسٹریلیا کو 0-4ے شکست دی تھی۔

اس طرح کپتان ویرات کوہلی کی قیادت میں نہ صرف بھارت نے آسٹریلوی سر زمین پر پہلی سیریز جیتی بلکہ وہ کینگروز کی سرزمین پر ٹیسٹ سیریز جیتنے والا پہلا ایشیائی ملک بھی بن گیا۔ اس سے قبل بھارت کی چوتھے اور آخری کرکٹ ٹیسٹ میچ پر گرفت برقرار تھی ، آسٹریلوی ٹیم کے سر پر اننگز کی شکست کا خطرہ منڈلا رہے تھے۔

میزبان ٹیم پہلی اننگز میں 300 رنز بنا کر آﺅٹ ہو گئی تھی اور اسے فالو آن کی خفت کا سامنا کرنا پڑا تھا، فالو آن کے بعد آسٹریلیا کی دوسری اننگز کے محض 4 ہی اوورز ہو پائے تھے کہ بارش کے باعث کھیل ممکن نہ ہوسکا۔

خیال رہے کہ پاکستان کے ہمسایہ اور روایتی حریف بھارت جہاں آسٹریلیا کو اسی کے ملک میں ناکوں چنے چبواتے ہوئے سیریز جیتی وہیں پاکستان کو متحدہ عرب امارات میں نیوزی لینڈ اور اب جنوبی افریقہ میں پروٹیز کے ہاتھوں شرمناک شکستوں کا سامنا کرنا پڑا ہے۔

آسٹریلوی ٹیم نے چوتھے روز کھیل ختم ہونے تک اپنی دوسری اننگز میں بغیر کسی نقصان 6 رنز بنا لئے تھے اور اسے اننگز کی شکست سے بچنے کیلئے مزید 316 رنز درکار تھے ہیں تاہم میچ کے پانچویں اور آخری روز شدید بارش کے باعث میچ ممکن نہ ہوسکا اور کوئی بال نہ پھینکی جاسکی جس کی وجہ سے میچ ہار جیت کے فیصلے کے بغیر ختم ہوگیا۔

واضح رہے کہ بھارت نے پہلی اننگز میں 7 وکٹوں پر 622 رنز بناکر اننگز ڈکلئیر کی تھی، جس کے جواب میں آسٹریلیا کی پوری ٹیم پہلی اننگز میں 300 رنز بناکر آؤٹ ہوگئی۔ بھارت کے مایہ بلے باز چیتشوار پوجارا کو پوری سیریز میں شاندار کارکردگی کا مظاہرہ کرنے پر میچ اور سیریز کا بہترین کھلاڑی قرار دیا گیا۔