سعودی عرب میں عوام کے لیے پہلا تفریحی کمپلیکس تعمیر ، معروف ریسٹورنٹس بھی حصہ ہونگے

سعودی عرب میں عوام کے لیے پہلا تفریحی کمپلیکس تعمیر ، معروف ریسٹورنٹس بھی حصہ ہونگے
image by facebook

ریاض : سعودی عرب کے شہر ریاض میں تاریخ کا پہلا تفریحی کمپلیکس بنایا جائے گا ، سعودی انٹرٹیمنٹ وینچرز کمپنی کے مطابق تفریحی کمپلیکس کے قیام سے شہریوں کو بھرپور تفریح میسر آئے گی ۔


کمپلیکس کنگ عبداللہ روڈ پر بنایا گیا ہے جوکہ ایک لاکھ سکوائر میٹرز پر محیط ہے  ، کمپنی کے چیئرمین آف بورڈ آف ڈائریکٹرز عبداللہ بن ناصر ال دائود کے مطابق تفریحی کمپلیکس میں جدید طرز کی سہولیات متعارف کروائی گئی ہیں ۔

بچوں کے لیے بھرپور تفریح کے مواقع پیدا کیے گئے ہیں ، کمپلیکس میں ریسٹورنٹس اور کیفیز کی بہترین وارئٹی بھی فراہم کی گئی ہے ، تمام معروف ریسٹورنٹس کو کمپلیکس کی زینت بنایا گیا ہے  ، اس طرح شہریوں کو تفریح کے ساتھ ساتھ کھانوں کی بھی بہترین اقدام میسر آئیں گی ۔