ڈھال بنائے جانیوالے کشمیری نے ’بگ باس‘ شو کی پیشکش ٹھکرا دی

ڈھال بنائے جانیوالے کشمیری نے ’بگ باس‘ شو کی پیشکش ٹھکرا دی
فاروق ڈار نے 50 لاکھ بھارتی روپے کی آفر ٹھکرائی۔۔۔فوٹو/ بشکریہ انڈین میڈیا

سری نگر: مقبوضہ کشمیر میں انسانی ڈھال بنائے جانے والے نوجوان فاروق ڈار نے بالی وڈ اداکار سلمان خان کے مشہور رئیلٹی شو ’بگ باس‘ میں شرکت کی پیشکش ٹھکرا دی۔ اب اسی کشمیری نوجوان کی جانب سے بالی وڈ اداکار سلمان خان کے شو’بگ باس‘ کے سیزن 11 میں شرکت کی پیش کش ٹھکرانے کی خبر سامنے آئی ہے۔


اپنے ایک انٹرویو میں فاروق ڈار کا کہنا تھا کہ ’بگ باس‘ کے پروڈیوسرز نے شرکت کے بدلے 50 لاکھ بھارتی روپے دینے کی آفر کی لیکن انہوں نے کسی بھی صورت شو میں شرکت سے انکار کر دیا۔

مزید پڑھیں: سندھ کی 7 رکنی نگران کابینہ نے حلف اٹھا لیا

خیال رہے کہ سلمان خان کا مشہور رئیلٹی شو ’بگ باس‘ کا 11 واں سیزن تھا جس میں کئی متنازع شخصیات نے شرکت کی تھی جس میں بھارتی ماڈل عرشی خان بھی شامل تھیں جنہوں نے شاہد خان آفریدی کے ساتھ تعلقات کا دعویٰ کیا تھا۔

واضح رہے گزشتہ سال اپریل میں مقبوضہ کشمیر میں بھارتی فوج کی بربریت کا واقعہ سامنے آیا تھا جس میں قابض فوج نے پتھراؤ سے بچنے کے لیے کشمیری نوجوان فاروق ڈار کو جیب کے بمپر سے باندھ دیا تھا۔

 

یہ بھی پڑھیں: سعودی عرب، 63 فیصد شہری سعودی گداگروں کو نقدی دینے کے مخالف

فاروق ڈار کو بھارتی فوج نے انسانی ڈھال بنا کر کئی علاقوں میں گھمایا تھا جب کہ قابض بھارتی فوج نے دعویٰ کیا تھا کہ گرفتار نوجوان پتھراؤ میں ملوث تھا۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں