ہم خواتین کو سازگار ماحول فراہم کرنے کیلئے پرعزم ہیں:وزیراعظم عمران خان

ہم خواتین کو سازگار ماحول فراہم کرنے کیلئے پرعزم ہیں:وزیراعظم عمران خان
تصویر بشکریہ ٹوئٹر

اسلام آباد: وزیراعظم عمران خان نے خواتین کے عالمی دن کے موقع پر پیغام جاری کرتے ہوئے مادرملت فاطمہ جناح کو سلام پیش کرتے ہوئے کہا ہے کہ ہم خواتین کو سازگار ماحول فراہم کرنے کیلئے پرعزم ہیں تاکہ وہ ملکی ترقی میں کردار ادا کریں۔


تفصیلات کے مطابق وزیراعظم نے سماجی رابطے کی ویب سائیٹ پر لکھا ہے کہ فاطمہ جناح قیام پاکستان کے لیے قائداعظم محمد علی جناح کے شانہ بشانہ رہیں ہم ویمن ڈے پر فاطمہ جناح کو سلام پیش کرتے ہیں۔

خواتین کے عالمی دن کے موقع پر چیئرمین پاکستان پیپلز پارٹی بلاول بھٹو زرداری نے بھی خواتین کی شراکت کو دنیا میں پائیدار ترقی کا اہم ترین جز قرار دیتے ہوئے کہا ہے کہ اب مستقبل خواتین کا ہے۔

انہوں نے کہا کہ ہم پرامید ہیں کہ خواتین کے حقوق غضب کرنے والے نظام اور ان کی خودمختاری پر قدغنیں لگانے والے رسم وراج کے لیے یہ صدی قبرستان ثابت ہوگی۔