اسلام آباد: سابق ڈی جی آئی ایس آئی لیفٹیننٹ جنرل فیض حمید نے مریم نواز کی طرف سے اپنے کورٹ مارشل کے مطالبے کے بعد کہا ہے کہ ںواز شریف کی حکومت ختم کرنے میں میرا ہاتھ نہیں تھا بلکہ جنرل باجوہ نے تمام فیصلے کیے۔
سینئر صحافی و اینکر کامران خان کے مطابق سابق آئی ایس آئی سربراہ جنرل فیض حمید نے مریم نواز کی جانب سے ان پر لگے الزامات کے جواب میں مجھے کچھ پیغامات بھیجے ہیں۔
سابق ISI سربراہ Lt Gen Faiz نے مریم نواز کی جانب سے ان پر لگے الزامات کے جواب میں مجھے بھیجے گئے messages میں یا دہانی کروائی 1) 2017-18 میں صرف میجر جنرل تھا کیا فوجی ڈسپلن میں تنہا میجر جنرل حکومت ختم کرسکتا تھا؟ 2)فوج میں فیصلہ صرف چیف کا ہوتا ہے 3) تمام فیصلے عدالتوں نے کئے pic.twitter.com/JHnYzkYyYc
— Kamran Khan (@AajKamranKhan) March 8, 2023
انہوں نے کہا کہ جنرل فیض حمید نے یاد دہانی کروائی کہ 2017-18 میں صرف میجر جنرل تھا کیا فوجی ڈسپلن میں تنہا میجر جنرل حکومت ختم کرسکتا تھا؟ فیض حمید کا مزید کہنا تھا کہ فوج میں فیصلہ صرف چیف کا ہوتا ہے اور تمام فیصلے عدالتوں نے کیے ہیں۔
