شاہ فرمان نے خواتین کے بارے میں بیان پر معافی مانگ لی

شاہ فرمان نے خواتین کے بارے میں بیان پر معافی مانگ لی

پشاور: خواتین ارکان کے بارے نازیبا الفاظ پر پی ٹی آئی کے شاہ فرمان کو بالآخر معافی مانگنا پڑ گئی۔ صوبائی وزیر نے اسمبلی کے فلور پر ہی معافی مانگتے ہوئے اپوزیشن خواتین ارکان بارے کہے الفاظ بھی واپس لے لئے۔ پی ٹی آئی رہنما کا کہنا تھا کہ انکے الفاظ سے کسی کی دل آزاری ہوئی ہو تو وہ معذرت کرتے ہیں۔


واضح رہے شاہ فرمان کی اس حرکت پر عمران خان نے اپنے ٹوئٹ میں کہا تھا کہ خواتین اراکین اسمبلی سے بدتمیزی کسی صورت برداشت نہیں کی جائے گی۔ اگر دوبارہ ایسی غلطی ہوئی تو سخت کارروائی ہو گی۔ کپتان کا یہ بھی کہنا تھا کہ ایسا کرنا ہمارے مذہب اور ہماری ثقافت دونوں کے خلاف ہے۔

یاد رہے شاہ فرمان نے اسمبلی اجلاس میں پیپلز پارٹی کی نگہت اورکزئی کو نازیبا الفاظ سے پکارا تھا ،جس پر اپوزیشن کی جانب سے شدید احتجاج کیا گیا تھا۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں