استعفے کا مطالبہ غیر آئینی, حکومتی ٹیم سنجیدہ مذاکرات کے لیے جائے ، وزیر اعظم کی ہدایت

استعفے کا مطالبہ غیر آئینی, حکومتی ٹیم سنجیدہ مذاکرات کے لیے جائے ، وزیر اعظم کی ہدایت
Image Source: File Photo

اسلام آباد: وزیراعظم عمران خان نے حکومتی  مذاکراتی کمیٹی  کو واضح موقف اختیار کرتے ہوئے ہدایت کی ہے کہ سنجیدہ مذاکرات کیے اپوزیشن کے پاس جائیں، استعفے کا مطالبہ غیر آئینی ہے۔


 

تفصیلات کے مطابق ، حکومتی ٹیم نے وزیراعظم عمران خان سے اسلام آباد دھرنے کے حوالے سے اہم ملاقات کی جس میں انھیں مذاکراتی کوششوں پر بریف کیا گیا جبکہ چودھری پرویز الہٰی نے مولانا فضل الرحمان سے ملاقاتوں سے متعلق آگاہ کیا۔

 

اس اہم ملاقات میں وفاقی وزیر داخلہ اعجاز شاہ اور بابر اعوان کو قانونی اور آئینی مشاورت کے لیے بلایا گیا تھا۔ وزیر داخلہ نے حکومتی حکمت عملی اور انتظامی اقدامات سے آگاہ کیا۔ حکومتی ٹیم نے وزیراعظم کو بریف کیا کہ اپوزیشن کا احتجاج جمہوری حق ہے، حکومت کو اس سے خطرہ نہیں، خطرہ ہوتا تو دھرنے والوں کو اسلام آباد نہ آنے دیا جاتا۔

 

وزیراعظم عمران خان نے حکومتی کمیٹی کو مذاکرات جاری رکھنے کی ہدایت کرتے ہوئے واضح کیا کہ استعفے کا مطالبہ غیر آئینی ہے، سنجیدہ مذاکرات کیے جائیں۔

 

اس کے علاوہ پارٹی ترجمانوں نے بھی انھیں اپوزیشن کے دھرنے سے متعلق بریفنگ دی جبکہ کرتارپور راہداری کی افتتاحی تقریب سے متعلق بات چیت کی گئی۔