بیجنگ:پاکستان کے دیرینہ دوست ملک چین کے صدر شی جن پنگ نے وزیراعظم عمران خان کو لکھے گئے اپنے خط میں اس عزم کا اظہار کیا ہے کہ دنیا کے حالات جیسے بھی ہوں دونوں ملکوں کی دوستی قائم رہے گی.
صدر شی جن پنگ نے اپنے خط میں وزیراعظم عمران خان کو سالگرہ کی مبارکباد دیتے ہوئے اپنی نیک خواہشات کا بھی اظہار کیا۔ انہوں نے پاک چین دوستی کو مزید مضبوط کرنے کے عزم کا بھی اعادہ کیا۔چینی صدر نے کہا کہ ہماری پاکستان کیساتھ دوستی مثالی ہے،دونوں ممالک کے تعلقات ہر آزمائش پر پورا اترے،کورونا کے دوران دونوں ممالک کے درمیان مثالی تعاون دیکھنے کو ملا۔
انہوں نے کاکہ چین اور پاکستان کی دوستی دن بدن مضبوط ہو رہی ہے، دونوں قومیں ایک دوسرے کی بہتری چاہتی ہیں۔ سی پیک خطے کی ترقی کیلئے اہم کردار ہے۔
