نیویارک:امریکی ٹینس سٹار سرینا ولیمز نے مارگریٹ کورٹ کا 24 گرینڈ سلم ٹائٹلز کا ریکارڈ برابر کرنے کا سنہری موقع گنوا دیا.
یو ایس اوپن کے فائنل میں انہیں کینیڈا کی بیانکا اینڈریسکو کے ہاتھوں شکست کا سامنا کرنا پڑا، 19 سالہ اینڈریسکو گرینڈ سلم سنگلز ٹائٹل جیتنے والی پہلی کینیڈین پلیئر بن گئی ہیں۔
a33602d37631f778a454fe306497a5fa
نیویارک میں کھیلے گئے ویمنز سنگلز کے فیصلہ کن معرکے میں عالمی نمبر 15 کینیڈا کی بیانکا اینڈریسکو نے 23 گرینڈ سلم ٹائٹلز جیتنے والی امریکا کی سرینا ولیمز کو سٹریٹ سیٹس میں شکست دی.
faaf8bb955cf8a558c5f5f684a806f8d
پہلے سیٹ میں بیانکا نے بآسانی 6-3 سے کامیابی حاصل کی، دوسرے سیٹ میں انہیں سخت مقابلے کا سامنا کرنا پڑا تاہم یہ سیٹ بھی انہوں نے 7-5 سے جیت کر ٹائٹل اپنے نام کر لیا، اس طرح انہوں نے کینیڈا کےلئے پہلی بار گرینڈ سلم ٹائٹل جیت کر تاریخ رقم کر دی۔
