ابراہیم بادیس: پاکستان کرکٹ ٹیم کے تجربہ کار کھلاڑیوں مصبا ح الحق اور یونس خان نے یکے بعد دیگرے ریٹائرمنٹ کا علان کر کے سب کو حیران کر دیا لیکن یہ ریٹائرمنٹ خود انکا فیصلہ نہیں ہے بلکہ دونوں تجربہ کار کھلاڑیوں کو سلیکشن کمیٹی کے دباو کا سامنا کرنا پڑا،تفصیلات کے مطابق سلیکشن کمیٹی کے سربراہ انضمام الحق نے گذشتہ ماہ ایک پریس کانفرنس کے دوران یہ پیغام دیا تھا کہ آنے والے چھ مہینوں میں پاکستان کرکٹ ٹیم کے سینئر ترین کھلاڑی ٹیم سے فارغ کر دیا جائےگا اور ان کی جگہ نوجوانوں پر مشتمل ایک ٹیم تشکیل دی جائے گی۔
پاکستان سپر لیگ کے دوران ہی مصباح الحق اور یونس خان کو پیغام دیا گیا تھا کہ اب آپ لوگ ٹیم کے ساتھ مزید نہیں چل سکتے جس پر دونوں کھلاڑیوں نے اپنے لیے آخری ٹور مانگا تھا ۔مصباح الحق نے قابل عزت رخصتی مانگی اور یونس کان کو دس ہزار رنز کرنے تھے جس پر پاکستان کرکٹ بورڈ نے دونوں کھلاڑیوں کی بات مان لی اور دور ویسٹ انڈیز کو انکے لیے آخری دورہ قرار دیا تھا۔یاد رہے یونس خان ابھی بھی مزید دو سال کھیلنے کا ارادہ ظاہر کر چکے تھے ۔
