ایم کیو ایم پاکستان نے نائن زیرو سے دستبردار ہونے کا فیصلہ کر لیا

ایم کیو ایم پاکستان نے نائن زیرو سے دستبردار ہونے کا فیصلہ کر لیا

کراچی: ایم کیو ایم پاکستان نے بانی ایم کیو ایم کی رہائش گاہ نائن زیرو سے دستبردار ہونے کا فیصلہ کر لیا ہے۔ ایم کیو ایم پاکستان کے وفد نے گورنر سندھ سے ملاقات کی جس میں انہوں نے اپنے دفاتر کی فہرست گورنر سندھ کو فراہم کر دی گئی جس میں نائن زیرو کے اطراف میں موجود خورشید میموریل سیکریٹریٹ، ایم پی اے ہاسٹل، کراچی کے سیکٹر، یونٹ آفس، ٹاؤن آفس اور یو سیز دفتر سمیت 100 سے زائد دفاتر شامل ہیں۔


ذرائع کے مطابق ایم کیو ایم پاکستان کی جانب سے کہا گیا ہے کہ بانی ایم کیو ایم کی رہائش گاہ نائن زیرو ہماری ملکیت نہیں ہے اس لیے ہم اس سے دستبردار ہو رہے ہیں۔

علاوہ ازیں ایم کیو ایم پاکستان کی جانب سے قوی امکان ظاہر کیا جا رہا ہے کہ اگر وزیراعظم شاہد خاقان عباسی کی کراچی آمد ہوئی تو خورشید میموریل سیکریٹریٹ ان کے حوالے کر دیا جائے گا۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں