سڈنی: آسٹریلیا ںے نیوزی لینڈ کے خلاف ٹی ٹوئنٹی سیریز منسوخ کردی۔
کرکٹ آسٹریلیا کے مطابق نیوزی لینڈ کی جانب سے قرنطینہ کی سخت شرائط کے سبب نیوزی لینڈ اور آسٹریلیا کے درمیان آئندہ ماہ کھیلی جانے والی ٹی ٹوئنٹی سیریز کینسل کر دی گئی ہے۔ سیریز کی منسوخی کا فیصلہ دونوں بورڈز میں باہمی مشاورت کے بعد کیا گیا ہے۔
The three-game series has been cancelled due to New Zealand's border controls and quarantine requirements.
— Cricket Australia (@CricketAus) February 8, 2022
We look forward to seeing the Trans-Tasman rivalry resume when we meet New Zealand in the #T20WorldCup opener later this year. pic.twitter.com/4ymaQxXHsq
کرکٹ آسٹریلیا کے سی ای او نک ہاکلے نے کہا کہ ہم سیریز کی میزبانی کے لیے ہر ممکن کوشش کرنے پر نیوزی لینڈ کرکٹ بورڈ کے شکرگزار ہیں تاہم بدقسمتی سے سخت سرحدی پابندیوں اور قرنطینہ کے تقاضوں کے پیش نظر دورہ ممکن نہیں تھا۔
قبل ازیں نیوزی لینڈ کا فروری میں دورہ آسٹریلیا بھی منسوخ ہوچکا ہے۔تاہم اب آسٹریلیا نے پلٹ کر وار کرتے ہوئے دورہ نیوزی لینڈ کی منسوخی کا فیصلہ کیا ہے۔
واضح رہے کہ آسٹریلیا نے 17 سے 20 مارچ تک نیوزی لینڈ کے شہر نیپئر میں تین ٹی ٹوئنٹی میچ کھیلنے تھے۔
