پاکستان کا آبدوز سے کروز میزائل ’بابر تھری‘ کا کامیاب تجربہ

پاکستان کا آبدوز سے کروز میزائل ’بابر تھری‘ کا کامیاب تجربہ

راولپنڈی:  پاک فوج کے شعبہ تعلقات عامہ (آئی ایس پی آر) کے مطابق بابر تھری کروز میزائل کا تجربہ بحیرہ ہند کے خفیہ مقام پر کیا گیا، جس نے خشکی میں اپنے ہدف کو کامیابی سے نشانہ بنایا۔ ایڈوانس اور جدید ٹیکنالوجی سے لیس کروز میزائل بابر تھری 450 کلو میٹر تک اپنے ہدف کو کامیابی سے نشانہ بنانے کی صلاحیت رکھتا ہے.


چیئرمین جوائنٹ چیفس آف اسٹاف کمیٹی جنرل زبیر محمود حیات، ڈی جی اسٹرٹیجک پلان ڈویژنز لیفٹیننٹ مظہر جمیل، کمانڈر نیول اسٹرٹیک فورس کمانڈ اور دیگر سینیئر افسران نے میزائل ٹیسٹ کا تجربے کا مشاہدہ کیا.

میزائل کے کامیاب تجربے پر تینوں مسلح افواج کے سربراہان نے ٹیم کو مبارکباد دی، جبکہ چیئرمین جوائنٹ چیفس آف اسٹاف کمیٹی جنرل زبیر محمود حیات نے بھی قوم کو مبارکباد پیش کی.