برینڈن میکولم نے لاہور قلندرز کے مداحوں کیلئے پیغام جاری کر دیا

برینڈن میکولم نے لاہور قلندرز کے مداحوں کیلئے پیغام جاری کر دیا

دبئی: پاکستان سپر لیگ (پی ایس ایل) میں لاہور قلندرز اب تک اپنے تمام کھیلے گئے 6 میچز میں ناکام رہی ہے اور ساتویں میچ میں کپتان برینڈن میکولم جیت کے لئے پرامید ہیں، تاہم انہوں نے لاہور قلندرز کے مداحوں کے لئے پیغام بھی جاری کیا ہے۔


سماجی رابطوں کی ویب سائٹ ٹوئٹر پر اپنے پیغام میں میکولم کا کہنا ہے کہ پی ایس ایل 3 میں نتائج خراب رہے ہیں لیکن شائقین کرکٹ کے سپورٹ کرنے پر شکریہ ادا کرتے ہیں،باقی میچوں میں اچھا کھیل پیش کریں گے اور اس سیزن کا اختتام مثبت انداز میں کرنا چاہتے ہیں۔

واضح رہے کہ ملتان سلطانز اب تک کامیاب ترین ٹیم ثابت ہوئی ہے جس نے اپنے 7 میچز میں سے 4 میں کامیابی حاصل کی اور دو میں اسے ناکامی کا سامنا کرنا پڑا جب کہ ایک میچ بارش کے باعث نہ ہوسکا۔