پاکستانی فضائی حدود کی بندش 11 مارچ تک برقرار رہے گی، سی اے اے

پاکستانی فضائی حدود کی بندش 11 مارچ تک برقرار رہے گی، سی اے اے
شمال اور جنوب کے درمیان مخصوص فضائی روٹ سے پروازوں کو گزرنے کی اجازت ہے، سی اے اے۔۔۔۔۔فائل فوٹو

اسلام آباد: پاکستان سے گزرنے والی پروازوں کیلئے فضائی حدود کی بندش 11 مارچ سہ پہر 3 بجے تک برقرار رہے گی۔


سول ایوی ایشن نے فضائی حدود کی بندش سے متعلق نیا نوٹس جاری کر دیا جس کے مطابق پاکستان سے اوور فلائنگ کیلئے روٹ 11 مارچ سہ پہر 3 بجے تک کھلے رہیں گے۔

نوٹس کے مطابق مشرق سے مغرب اور مغرب سے مشرق جانے والی پروازیں 11مارچ سہ پہر 3 بجے تک بند رہیں گی۔ شمال اور جنوب کے درمیان مخصوص فضائی روٹ سے پروازوں کو گزرنے کی اجازت ہے۔

نوٹس میں آگاہ کیا گیا ہے کہ رحیم یارخان، سیالکوٹ اور سکھر ائیرپورٹس بھی 11مارچ تک بند رہیں گے۔ پاکستان آنے اور جانے کے لیے مخصوص فضائی حدود کا استعمال کیا جا سکتا ہے۔

نوٹس کے مطابق جن ائیر پورٹس پر فلائٹ آپریشن جاری ہے اس میں 15 مارچ صبح 5 بجے تک توسیع کی گئی ہے۔ ترال، ملتان، کراچی، فیصل آباد، پشاور، کوئٹہ، لاہور اور اسلام آباد پر فلائٹ آپریشن 15 مارچ کی صبح 5 بجے تک جاری رہے گا۔