امریکہ میں فائرنگ کے واقعات کے اندراج کے مرکز نے اعلان کیا ہے کہ مختلف علاقوں میں فائرنگ کے رونما ہونے والے واقعات میں کم از کم اکّیس افراد ہلاک ہو گئے ہیں۔
ہمارے نمائندے کی رپورٹ کے مطابق امریکہ میں فائرنگ کے واقعات کے اندراج کے مرکز نے پیر کے روز اعلان کیا ہے کہ اتوار کے دن امریکہ کی مختلف ریاستوں میں فائرنگ کے ساٹھ واقعات رونما ہوئے جن میں اکّیس افراد ہلاک اور سینتالیس دیگر زخمی ہوئے۔فائرنگ کے بیشتر واقعات ریاست ایلی نوئے، میسوری، کیلیفورنیا اور نیوجرسی میں رونما ہوئے۔امریکہ میں گذشتہ اڑتالیس گھنٹوں کے دوران فائرنگ کے ایک سو چھّپن واقعات درج کئے گئے جن میں ترپن افراد ہلاک اور ایک سو اکّیس دیگر زخمی ہوئے۔یہ رپورٹ ایسی حالت میں دی گئی ہے کہ گذشتہ ہفتے امریکی شہر لاس ویگاس میں فائرنگ کے ایک واقعے میں پچاس افراد ہلاک اور سینکڑوں دیگر زخمی ہو گئے تھے۔
