اسلام آباد : وزیر اعظم عمران خان سے قطر کے نائب وزیراعظم و وزیر امور خارجہ نے ملاقات کی ہے۔افغانستان میں ہونے والی پیش رفت اور پاکستان قطر تعلقات کے مزید فروغ پر تبادلہ خیال کیا گیا۔
نیو نیوز کے مطابق وزیراعظم عمران خان نے کہا کہ پاکستان نے افغانستان میں طویل تنازع کی وجہ سے بہت زیادہ نقصان اٹھایا ہے۔وزیراعظم نے پاکستان اور خطے کے لیے پرامن،محفوظ اور مستحکم افغانستان کی اہمیت پر زور دیا۔
The Deputy Prime Minister and Minister of Foreign Affairs of the State of Qatar, H.E. Sheikh Mohammed bin Abdulrahman Al-Thani 🇶🇦, called on Prime Minister @ImranKhanPTI 🇵🇰, today. pic.twitter.com/qAH3cTW05d
— Prime Minister's Office (@PakPMO) September 9, 2021
وزیراعظم عمران خان نے کہا کہ افغانستان میں سیکورٹی صورتحال اور معیشت کو مستحکم کرنا بہت ضروری ہےپاکستان افغانستان کی معاشی ترقی کے لیے اپنا کردار ادا کرتا رہے گا۔عالمی برادری افغان عوام کے ساتھ یکجہتی کرے۔وزیر اعظم نے قطر کے ساتھ تعلقات کو مزید مضبوط بنانے کی خواہش کا اعادہ کیا۔وزیراعظم نےتجارت،سرمایہ کاری، توانائی میں مزید تعاون کے فروغ کی اہمیت پر بھی زور دیا۔
قطر کے نائب وزیراعظم و خارجہ نے پاکستان کے اہم کردار کے ساتھ ساتھ علاقائی امن اور استحکام کے لیے کوششوں کا اعتراف کیا۔دوطرفہ اور علاقائی امور پر پاکستان کے ساتھ قریبی رابطہ برقرار رکھنے کے قطر کے عزم کا اظہار کیا۔