بیجنگ، چین نے بھارتی سرحد پر دنیا کا سب سے بڑا ڈیم بنانے کا منصوبہ تیار کرلیا ۔
چین نے ہمالیہ کے دامن میں بھارتی سرحد سے محض 30 کلو میٹر دور دنیا کا سب سے بڑا پن بجلی ڈیم بنانے کا منصوبہ بنایا ہے۔
میڈیا رپورٹ کے مطابق گزشتہ برس نومبر میں چین کے میڈیا نے تبت کے خودمختار خطے (ٹی اے آر) میں یارلنگ سانگپو دریا پر 60 گیگاواٹ میگا ڈیم تعمیر کرنے کا منصوبہ شیئر کیا تھا۔2060 تک کاربن فری کا مقصد لیے چین نے تبت میں پن بجلی منصوبوں پر اپنی کوششیں دگنی کردی ہیں ۔
دوسری جانب انسانی حقوق کے گروپ اور ماحولیاتی ماہرین نے پن بجلی کے منصوبوں پر تنقید کی ہے ۔تبت انسٹیٹیوٹ کے شعبہ ماحولیات کے سربراہ ٹیمپا گیلٹسن زملہ کا کہنا تھا کہ تبتی باشندوں نے اپنی زمین پر جو کچھ قدرتی ماحول دیکھا اور سنا تھا وہ سب کچھ کھو دیا ہے ۔
