ممبئی: امریکی ٹی وی سیریز میں بھارتی قوم پرستوں کو دہشت گرد پیش کرنے پر ہندو انتہا پسندوں نے بالی ووڈ پریانکا چوپڑا کو غدار قرار دے کر پاکستان بھیجنے کا مطالبہ کر دیا۔
پریانکا چوپڑا نے بھارتی انتہا پسندوں کو آئینہ دکھایا تو برا مان گئے، امریکی ٹی وی سیریز میں بھارتی قوم پرستوں کو دہشت گرد کہنے پر ا±نہیں غدار قرار دے دیا گیا۔ نئی دِلی میں انتہا پسند تنظیم ہندو سینا کے کارکنوں نے بالی ووڈ اداکارہ کے پوسٹرز جلائے اور ان کے خلاف نعرے بازی کی۔ انتہا پسندوں نے پریانکا چوپڑا کو پاکستان بھیجنے کا مطالبہ بھی کر دیا۔
4ba2ecdf7ecca0a634505ce3ba39f374
دوسری جانب پریانکاچوپڑا نے امریکی ٹی وی شو ’کوانٹیکوسیزن3‘ میں بھارتی قوم پرستوں کو دہشتگرد دکھانے پر معافی مانگ لی۔ٹوئٹر پر پیغام جاری کرتے ہوئے اداکارہ نے کہا کہ ”کوانٹیکو کی حال ہی میں نشر ہونے والی قسط سے جن لوگوں کے جذبات مجروح ہوئے ہیں میں ان سب سے معافی مانگتی ہوں، میرا ارادہ کسی کے جذبات مجروح کرنا نہیں تھا، میں تہہ دل سے معذرت خواہ ہوں۔“
