پاکستان سرمایہ کاری کے لئے بہترین ملک ہے ، جےپی مورگن

پاکستان سرمایہ کاری کے لئے بہترین ملک ہے ، جےپی مورگن
سورس:   file photo

اسلام آباد ، دنیا کے بڑے مالیاتی ادارے جےپی مورگن نے پاکستان کوسرمایہ کاری کیلئےبہترین ملک قرار دے دیا۔انہوں نے پشین گوئی کی کہ رواں سال پاکستان کا جی ڈی پی4.7فیصدہوگا۔

تفصیلات کے مطابق دنیا کے بڑے مالیاتی ادارے جےپی مورگن نے اپنی رپورٹ جاری کردی ، رپورٹ  میں پاکستان کوسرمایہ کاری کیلئےبہترملک قرار دیتے ہوئے کہا گیا ہے کہ رواں سال پاکستان کا جی ڈی پی4.7فیصدہوگا اور گورنمنٹ سیکیورٹیزمیں رسک فیکٹرنہ ہونےکےبرابر ہے۔

جےپی مورگن رپورٹ میں کہا ہے کہ پاکستان میں2024تک ریٹ آف ریٹرن8.25فیصدہوگا، جی ڈی پی تناسب میں کرنٹ اکاؤنٹ خسارہ مسلسل کم ہوگا، جس کے باعث ترسیلات زرمیں کمی سمیت کھانےپینےکی چیزوں میں مہنگائی کا خدشہ ہے۔

دوسری جانب وزیر مملکت اطلاعات و نشریات فرخ حبیب نے سماجی رابطے کی ویب سائٹ ٹوئٹر پر اپنے بیان میں کہا کہ دنیا کے بڑے مالیاتی ادارے جےپی مورگن نے اپنی رپورٹ میں اپنےسرمایہ کاروں کو کہا پاکستان میں سرمایہ کاری کریں ، پاکستان میں معاشی حالات بہتر ہورہے ہیں۔

فرخ حبیب کا کہنا تھا کہ جے پی مورگن نے 2021میں پاکستان کی جی ڈی پی کی شرح 4.7 کی پیشگوئی کرتے ہوئے کہا ہے کہ آئندہ سال معاشی حجم 329 ارب ڈالرہوگا۔

 وزیر مملکت نے مزید کہا کہ جے پی مورگن نے پاکستان کا اس سال کا بجٹ خسارہ 7.1فیصد اور آئندہ سال کا5.9 فیصد ہونے کی پیشنگوئی کردی، جس سے پاکستان کے قرضوں کی جی ڈی پی کے تناسب سے شرح 81.6 فیصد پر آجائے گاجو 2020میں 87.6تھی۔