ویرات کوہلی کی ’’کجرارے‘‘پر ڈانس کی ویڈیو سوشل میڈیا پر وائرل

ویرات کوہلی کی ’’کجرارے‘‘پر ڈانس کی ویڈیو سوشل میڈیا پر وائرل

 ممبئی: بھارتی کرکٹ ٹیم کے کپتان ان دنوں کرکٹ سے دور ہیں ۔ ساؤتھ افریقہ کے طویل دورہ کے بعد بھارتی کرکٹ بورڈ نے ویرات کوہلی اور مہندر سنگھ دھونی کو آرام کی غرض سے سہ ملکی کرکٹ ٹورنامنٹ میں شامل نہیں کیا ۔ سہ ملکی کرکٹ سیریز میزبان سری لنکا ، بنگلہ دیش اور بھارت کے درمیان جاری ہے ۔تاہم ویرات کوہلی کو خبروں میں رہنے کے طریقے خوب آتے ہیں چاہے وہ کرکٹ کھیل رہے ہوں یا نہیں ۔

تفصیلات کے مطابق ویرات کوہلی کی اپنے دوست کی شادی کی تقریب میں فلم ’’بنٹی اور ببلی ‘‘ کے گانے ’’کجرا رے ‘‘ پر ڈانس کی وڈیو نے دھوم مچا دی۔

ویرات کوہلی اپنی چھٹیوں سے خوب لطف اندوز ہو رہے ہیں اور فارغ وقت میں اپنے دوستوں اور حلقہ احباب میں گھرے نظر آ رہے ہیں۔

بھارتی میڈیا کے مطابق بھارتی کرکٹر ویرات کوہلی نے اپنے دوست گگن گجرال کی شادی کی تقریب میں انوشکا شرما کے والدین کے ساتھ شرکت کی۔مایہ ناز بلے باز نے تقریب میں آتے ہی پہلے ڈھول کی تھاپ پر رقص کر کے اپنی آمد کا اعلان کیا اور تقریب میں موجود افراد کے ساتھ تصاویر بنواتے بھی نظر آئے۔

 نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں