بلوچستان میں دہشتگردوں نے امن خراب کرنے کی مذموم کوشش کی ، وزیرخارجہ

بلوچستان میں دہشتگردوں نے امن خراب کرنے کی مذموم کوشش کی ، وزیرخارجہ
سورس:   file photo

اسلام آباد،وزیر خارجہ شاہ محمود قریشی نے کوئٹہ اور تربت میں دہشتگردی کے واقعات کی شدید الفاظ میں مذمت کی ہے۔

شاہ محمود قریشی نے دہشتگردی کے واقعات میں شہید ہونے والوں کے درجات کی بلندی اور زخمیوں کی جلد صحت یابی کے لیے دعا بھی کی۔ 

وزیر خارجہ کا کہنا تھا کہ دشمن نے بلوچستان کے امن کو تہہ و بالا کرنے کی ناکام کوشش کی، وطن کی حفاظت میں قیمتی جانوں کا نذرانہ پیش کرنے والے شہداء کو خراج عقیدت پیش کرتے ہیں۔

انہوں نے کہا کہ دہشتگردی کے خلاف جنگ میں قوم اپنی سکیورٹی فورسز کے ساتھ کھڑی ہے اور بہت جلد دہشتگردی کا مکمل طور رپر خاتمہ کردیا جائے گا ۔