پیپلز پارٹی کے رہنما تاج حیدر کے گھر 3 ماہ میں چوری کی تیسری واردات

پیپلز پارٹی کے رہنما تاج حیدر کے گھر 3 ماہ میں چوری کی تیسری واردات
اجلاس سے واپس آئے تو گھر کا تالا کٹا ہوا تھا اور گھر کے اندر سامان بکھرا پڑا تھا، تاج حیدر۔۔۔۔۔۔۔۔۔۔۔۔۔۔۔فوٹو/ سوشل میڈیا

لاہور: پاکستان پیپلز پارٹی کے سینئر رہنما تاج حیدر کے گھر میں ایک بار پھر چوری کی واردات ہو گئی۔ گزشتہ روز تاج حیدر کے گھر لگاتار تین ماہ کے دوران چوری کی تیسری واردات ہوئی۔


پیپلز پارٹی کے سینئر رہنما تاج حیدر پارٹی کے اجلاس سے واپس آئے تو گھر کا تالا کٹا ہوا تھا اور گھر کے اندر سامان بکھرا پڑا تھا۔

تاج حیدر کا کہنا ہے کہ لگاتار تین ماہ میں چوری کی تیسری واردات ہوئی ہے۔ گزشتہ دو وارداتیں بھی 9 تاریخ کو ہوئی تھیں۔ اس بار بھی 9 تاریخ کو ہی واردات ہوئی ہے۔

ان کا کہنا ہے کہ تیسری بار پولیس کو اطلاع دی گئی ہے لیکن پولیس تاحال ملزمان کو گرفتار نہیں کر سکی۔

چوری کا مقدمہ تاج حیدر کی مدعیت میں گزری تھانے میں درج کر لیا گیا ہے۔ پولیس کا کہنا ہے ملزمان تاج حیدر کے گھر سے کوئی قیمتی چیز لیکر نہیں گئے۔ واقعے کے وقت گھر میں کوئی موجود نہیں تھا اور تاج حیدر کی اہلیہ بھی اپنی والدہ کے گھر گئی ہوئی تھیں۔