شانگلہ:پی کے 23 شانگلہ میں دوبارہ پولنگ میں تحریک انصاف کے شوکت یوسفزئی 42 ہزار 116 ووٹ لیکر کامیاب ہو گئےجبکہ مسلم لیگ ن کے محمد رشاد خان 22 ہزار315 ووٹ لیکر دوسرے نمبر پر رہے-
تفصیلات کےمطابق 25 جولائی کے عام انتخابات میں خواتین ووٹرز کا ٹرن آوٹ 10 فیصد سے کم ہونے کے باعث الیکشن کمیشن نے الیکشن دوبارہ کرانے کا حکم دیا تھا۔ الیکشن کمیشن کے حکم پر خیبرپختونخوا اسمبلی کی نشست پی کے 23 شانگلہ میں دوبارہ ہونے والی پولنگ میں تحریک انصاف کے شوکت یوسفزئی کامیاب ہو گئے۔
حلقے میں صبح 8 بجے شروع ہونے والا پولنگ کا عمل شام 6 بجے تک بلا تعطل جاری رہا۔حلقے کے 135 پولنگ اسٹیشنز کے غیر حتمی اور غیر سرکاری نتائج کے مطابق تحریک انصاف کے شوکت یوسفزئی 42 ہزار 116 ووٹ لیکر کامیاب ہو گئے ہیں جب کہ مسلم لیگ ن کے محمد رشاد خان 22 ہزار315 ووٹ لیکر دوسرے نمبر پر رہے-
