عام انتخابات سے صرف ایک ماہ قبل مودی حکومت کو تین اہم ریاستوں میں شکست

عام انتخابات سے صرف ایک ماہ قبل مودی حکومت کو تین اہم ریاستوں میں شکست
image by twitter

ممبئی:بھارتی حکومتی پارٹی بی جے پی کو عام انتخابات سے صرف ایک ماہ قبل ریاستی انتخابات میں بڑی شکست کا سامنا کرنا پڑ گیا ، بڑی اپوزیشن جماعت کانگریس پارٹی نے تین اہم ریاستوں میں کامیابی سمیٹ لی ہے۔


تفصیلات کے مطابق حکومتی جماعت بھارتی جنتا پارٹی کو عام انتخابات سے صرف ایک ماہ قبل تین اہم ریاستوں میں ناکامی کا سامنا کرنا پڑ گیا ہے ، مودی حکومت کے لیے یہ انتخابات سے قبل بڑا چیلنج ہوگا۔

اپوزیشن جماعت کانگریس پارٹی نے تین اہم ریاستوں میں کامیابی حاصل کر کے حکومتی جماعت کے لیے خطرے کی گھنٹی بجا دی ہے ، عام انتخابات میں صرف ایک ماہ باقی رہ گیا ہے ۔

سیاسی تجزیہ کاروں کے مطابق مودی حکومت نے عوام میں مقبولیت کافی حاصل کی ہے لیکن وہ نوجوانوں کو روزگار دینے اور کسانوں کو خوشحال بنانے کے اپنے وعدے پورے کرنے میں اب تک ناکام رہی ہے ۔

دریں اثنا کانگریس جماعت دوبارہ حکومت میں آنے کے لیے ایڑی چوٹی کا زور لگا رہی ہے ، عام انتخابات بڑی اپوزیشن جماعت کے سربراہ راہول گاندھی کے لیے بھی چیلنج ہوگا کہ وہ کس طرح چھوٹی جماعتوں کو گروپس کو اپنے ساتھ ملا کر حکومت کو کانٹے کی ٹکر دے پائیں گے۔

حالیہ ریاستی انتخابات میں اسمبلی کی کل 230 نشستوں میں سے بھارتی جنتا پارٹی نے 104 نشستوں میں کامیابی حاصل کی جبکہ کانگریس نے 117 نشستوں پر میدان مارا ہے ۔